خلّ Claude يتعلم ستايلك في المونتاجTeach Claude Your Editing Style

المصطلحات

Claude Code (كلود كود)

نسخة Claude اللي تشتغل على ملفات جهازك وتشغّل أوامر. تفتحها من تبويب Code في تطبيق Claude للديسكتوب، أو من الـ terminal.

skill (سكل)

فولدر فيه ملف SKILL.md بتعليمات ثابتة. والـ Claude يحمّلها لما طلبك يناسب وصفها، أو لما تكتب اسمها بعد /.

HyperFrames (هايبر فريمز)

إطار مفتوح المصدر من HeyGen يحوّل صفحة HTML فيها فيديو وكابشن وحركة إلى ملف MP4. رخصته Apache 2.0 ويشتغل على جهازك.

style.md

ملف يكتبه Claude بعد ما يحلل ريلزك. فيه ستايلك بالأرقام: الإيقاع، الكابشن، الـ zoom، الـ inserts، والألوان.

FFmpeg

أداة مجانية تقص الفيديو وتطلع منه صور. الـ skill تستخدمها للقص، وHyperFrames يستخدمها للتصدير.

الخطوات

1. 1

   الخطوة 1

   ثبّت Node و FFmpeg على جهازك

   برنامج HyperFrames يحتاج Node.js نسخة 22 أو أحدث، ويحتاج FFmpeg.

   على Mac: نزّل نسخة LTS من nodejs.org، أو إذا عندك Homebrew اكتب في الـ Terminal: brew install node ffmpeg

   على Windows: افتح PowerShell واكتب: winget install OpenJS.NodeJS.LTS winget install Gyan.FFmpeg بعدها سكّر PowerShell وافتحه من جديد.

   تأكد إن كل شي تمام: اكتب node -v ولازم يطلع رقم 22 أو أكبر، واكتب ffmpeg -version ولازم يطلع رقم النسخة.

   نصيحة: إذا Windows قال إن ffmpeg مش موجود بعد التثبيت، أعد تشغيل الجهاز مرة وحدة.

2. 2

   الخطوة 2

   ثبّت skills الـ HyperFrames

   برنامج HyperFrames يجي معه skills تعلّم Claude كيف يكتب الفيديو ويصدّره.

   إذا تستخدم Claude Code من الـ terminal، اكتب هذين الأمرين، وهما الأمران اللي في الـ README الرسمي: claude plugin marketplace add heygen-com/hyperframes claude plugin install hyperframes@hyperframes

   إذا تستخدم تطبيق الديسكتوب بس، اكتب في الـ Terminal أو PowerShell: npx skills add heygen-com/hyperframes راح تطلع لك قائمة اختيار وما فيها شي محدد من قبل. اختار hyperframes و hyperframes-cli و media-use، وإذا سألك عن الـ agent اختار Claude Code. أو أضف --all لآخر الأمر وهو يثبّت الكل.

   الـ skills المهمة لنا ثلاث: hyperframes للتركيب، و hyperframes-cli لأوامر الفحص والتصدير، و media-use للصوت والتفريغ.

   github.com

   

3. 3

   الخطوة 3

   جهّز فولدر المونتاج وافتحه في Claude Code

   سوّ فولدر جديد اسمه مثلاً Video Editor.

   في تطبيق Claude للديسكتوب افتح تبويب Code. تحت مربع الكتابة اضغط أول زر، وهو اختيار البيئة، واختار أول خيار في مجموعة Local. بعدها اضغط زر الفولدر جنبه واختار Open folder… وحدد الفولدر اللي سويته. بهالطريقة Claude يوصل لملفاتك ولقطاتك على جهازك.

   بعدها الصق هذا الـ prompt، وراح يسوي Claude الفولدرات ويفحص الأدوات بدون ما يلمس أي فيديو.

   code.claude.com

   

   برومبتتجهيز الفولدر

   نسخ

   جهّز لي هذا الفولدر للمونتاج:
   1. سوّ الفولدرات raw و references و inserts و exports و work إذا مش موجودة.
   2. شغّل npx hyperframes doctor وقل لي النتيجة.
   3. تأكد إن skills الـ HyperFrames موجودة عندك (hyperframes و hyperframes-cli و media-use). إذا وحدة ناقصة، قل لي بالضبط كيف أصلحها.
   لا تعدّل أي فيديو الآن.

   نصيحة: مكان كل ملف ثابت: اللقطة الخام في raw، الصور والمقاطع الإضافية في inserts، والنتيجة تطلع في exports.

4. 4

   الخطوة 4

   حط 3 إلى 5 ريلز مرجعية

   هذي الريلز اللي Claude راح يتعلم منها. تقدر تحط ريلزك أنت لو ستايلك جاهز، أو ريلز صانع محتوى يعجبك ستايله.

   نزّل ملفات الفيديو نفسها (MP4 أو MOV) وحطها في فولدر references. ثلاثة أقل شي، وخمسة أحسن.

   اختار ريلز من نفس النوع: كلها وجه للكاميرا، وكلها بطول قريب. لو خلطت أنواع، الستايل يطلع متلخبط.

5. 5

   الخطوة 5

   خلّ Claude يتعلم ستايلك

   هذي خطوة التعلم. بس Claude ما يشوف الفيديو مثلنا، فهو يطلع منه صور كل نص ثانية، ويفرّغ الصوت، ويقيس الإيقاع بالأرقام.

   الصق الـ prompt، واقرأ الملف اللي يعرضه عليك. صحّح أي شي غلط قبل ما توافق، لأن كل مونتاج بعدين راح يمشي على هذا الملف.

   برومبتتعلّم الستايل

   نسخ

   اقرأ كل الفيديوهات اللي في فولدر references. هذي [3 إلى 5] ريلز بالستايل اللي أريده: [ريلزي أنا / ريلز صانع محتوى أعجبني].
   
   لكل فيديو:
   1. طلّع frame كل نص ثانية بـ FFmpeg وشوفها.
   2. فرّغ الصوت لنص مع توقيت كل كلمة (استخدم skill اسمها media-use من HyperFrames).
   3. قيس بالأرقام: كم قطع في الدقيقة، متوسط طول اللقطة، وكم مرة يصير zoom أو punch in.
   
   بعدها اكتب ملف ستايل واحد يجمع اللي يتكرر في كل الفيديوهات، بهالأقسام وبأرقام مش أوصاف عامة:
   الإيقاع وطول اللقطة · الـ hook في أول 3 ثواني · الكابشن (الخط، الحجم، المكان، اللون، كم كلمة في السطر، كيف تبرز الكلمة المهمة) · الـ zoom والـ punch in (متى وكم) · الـ inserts والـ B roll (متى تطلع وكم تبقى) · الموشن والانتقالات · الألوان · الموسيقى والمؤثرات · الطول الكلي.
   
   اعرض لي الملف أول. إذا وافقت، احفظه في ~/.claude/skills/edit-my-style/style.md

   نصيحة: اطلب أرقام: «3 كلمات في السطر» أنفع بكثير من «كابشن كبير».

6. 6

   الخطوة 6

   النظام كامل في الدورة

   هذا الدليل هو الجزء المجاني. النظام كامل موجود في دورة «نظام المونتاج الكامل مع Claude Code»: ١٦ درس بالعربي الخليجي، فيها كابشن عربي بترتيب الكلمات الصح، وصوت بمستوى واحد، وملف SKILL.md جاهز، ومونتاج فولدر كامل بأمر واحد.

   وإذا انتوا جاهزين للنظام كامل، الدورة هنا: https://mabuzant.com/academy/claude-video-editing?src=guide-style

برومبتات جاهزة للنسخ

هذي [3] ريلز جديدة نزلتها في references. قارنها بـ style.md وقل لي كيف تغيّر ستايلي. اقترح التعديلات على الملف، وما تحفظ إلا بعد موافقتي.